Treningstur til Kvannebakkbu (20.07.2016)

Har vore litt dårleg vær i det siste og ein soldag er reine skjære vitaminsprøyta! Ei stund sia eg har vore oppom Kvannebakkbu, og lysta var no tilbake for å prøve å springe opp. Kroppen kjennast endelig restituert etter operasjonen tidlegare i år. Ferdig på jobb kl 14.00 så eg hadde framleis ein lang turdag føre meg i godværet. Starta ifrå Befring Kraftstasjon og ved parkeringa lengre oppe, sto det mange bilar. Ferietider, strålande vær og så er det jo ein indrefilet av eit naturområde i Jølster. Eg mumla noko om at det var litt varmt oppe i bakkane, då eg passerte ein turgåar! I forbifarta var han rask å svare at vi kan ikkje klage!! Nei, nei og atter nei og selfølgelig ikkje.... høyrde eg meg sjølv preike på vidare oppover! Skulle berre ønske eg hadde ein liter med vatn då :) I Strupen traff eg på ein familie på veg ned, eg rakk bua i dag på 1.22 min. Tok meg god tid til å nyte roen og stilla i solveggen, nyte synet av fjella og breen ilag med ei brunostskive og ein halv pakke med peanøttsjokolade. Fotograferte litt før eg sprang mot heimveg og med ein stadig tilbakevendande tanke! Herregud så priviligert eg er som kan nyte sånne stunder.