Ein Heftig og nydeleg Smørstabbtindtravers med ski klatring! (25.05.2014)

Eit eventyrleg år så langt med finversdagar i fleng, uvant kost for for ein Vestlending :) Etter ei runde rundt Smørstabbrean forrige helg, var det fristande å ta med resten av toppane denne helga. Svein, Stian og Mona var komt på hytta, eg reiste seint inn fredags kveld etter jobb.. rask avgjerd! Det var meldt litt regn på morgen men så skulle det bli strålande ver att!! Lørdagsmorgen låg skodda temmeleg tjukk rundt teltet mitt, tenkte att det ville bli betre ut på dag så her var det berre å få i seg havregryna og få med alt som måtte til for ein lang dag!! Denne turen såg eg virkeleg fram til med litt skrekkblanda fryd :) Visste det ville bli litt ekstra utfordring med ski peikande i alle retningar på ryggen med tung sekk og klatreutstyr. Men det er lyst lenge no og det handler om å gje seg tid, og då er det jo berre å nyte i veg og ikkje minst hugse på at batteriet og minnebrikka i kameraet er på stell :) Vi drøya til kl var 10 før vi kom opp til Sognefjells hytta. Eit par meters sikt hadde vi, mange utenlandske bilar med nødlys.. skjønte ikkje med det sammme ka det skulle vere godt for men det var nok skodda som utløyste panikken..:) Dagens turmål enda på Sognefjellshytta med eit lynkurs i skodde prognoser på yr og som viste seg på ein prikk at den ville ligge dagen ut og at morgendagens søndag ville bli den beste denne veka. Så her var det berre å ta ein tlf til heimen og høyre om ungdommen kunne tenke seg ei foreldre fri helg;) Noko som selfølgeleg var heilt Ok. Kos deg så mykje på fjellet mamma, dette blir supert for deg! var svaret i den andre enden. Litt betenkt!!! men det var kanskje siste dags muligheit med ski. Eg hadde nokre toppar i Gaupne som eg kunne tenke meg som reserve løysing resten av dagen som erstatning.. og eit lite brød og bolle besøk på Lustrabui. Så vart dagen ikkje så verst allikavel :)
Start frå Krossbu kl 06.00 søndagsmorgen.. Vi labba i veg og såg at snøen hadde minka mykje på ei veke. Hadde tenkt ruta opp Smørstabbrean, og opp det lågaste punktet mellom Kalven og Skeie. Såg forrige helg då vi var innom Storebjørn og Lillebjørn at der var ein fin oppgang. No hadde vi strålande ver og ein fin og grei opptur i klatrepunktet til Skeie med litt ski plunder og ekstra tid! På toppen kom skodda på ny drivande frå vest, men den la seg heldigvis litt i ro så vi fekk nyte synet av heile området og den fantastisk flotte Ryggtraversen vi skulle gå og klatre denne dagen:) Mange på tur, men ingen i samme spor som oss idag! Etter ein velsmakande nistepakke med brunost og foto seanse på Skeie var det berre å rusle avgårde bort på Lillebjørn att. Storebjørn droppa vi denne gongen sidan vi var der forrige helg, også med tanke på tid til resten av traversen som ikkje var heil snøfri, det var noko sleipt enkelte stader.. og balansepunktet var ikkje alltid det beste. Ei bra utfordring var det klatremessigt, ved Bjørneggen med ski på ryggen...men så er det hittil den flottaste og heftigaste eggen eg har sett. Den er fin.... :) Snakke meg om Lykke å kunne få være i sånne omgivelsar. Ein følelse som blir veldig forsterka når ein er komt gjennom uten uhell og skader og ein kjenner kroppen er trøtt og sliten etter ein lang dag i rå og mektig natur!! Skodda kom og gjekk, noko som gjorde til at naturen og fotograferinga vart fantastisk. Til endes av traversen tok vi ei rask avgjerde om å ikkje klatre opp Store Smørstabbtind, seint på kveld og kl var då alt 20.00 Vi skulle også heim til Jølster med ei køyretid på 3 timar og på jobb alle mandag. Eg har Store Smørstabbtind frå ein tidlegare sommartur ilag med Joar. Så eg var veldig fornøgd med dagens tur opplevelse :)

Takk for ein heftig og flott naturopplevelse Svein A og Stian A