Ole-Petter hadde meldt sin ankomst i Rauma, og då tok eg meg fri frå jobb denne fredagen, og vi avtalte at Middagstinden var eit passande og fristande turmål. Vi starta frå Bøstølen og fulgte ein sti nokre meter, før vi endte opp i bushen. Krattkrangling og bratte motbakkar er ikkje det artigaste, men vi kom oss jo oppover. Etterkvart kom vi over skoggrensa og opp på ryggen som førte til topps. Siste stykket møtte vi på litt snø og is, men vi kom oss enkelt til topps. Ikkje bruk for stegjern. Kald vind på toppen, men vi satte oss i le og åt opp nistepakka.
User comments