Småløyptene-Rausnes

Date:

25.09.2014

Characteristic:

Hillwalk

Distance:

8.4km

Haustturen starta i 1300 m høgde vest for Småløyftvatna. Det var snødriv i lufta og skydekket låg ned til 1100 meter. Me runda Eldegardsnosi på vestsida og fylgde hellinga før me la kursen nord-vestover mot Vardenosi. Etter det, kunne me skimta høgspentlina 1220 moh. Me kom fram til øverste jakthytta på 1075 m der det smakte godt med niste og kaffi. Turen heldt deretter fram til den nedste jakthytta. Her vart det ein lengre pause, før me la turen ned fyrst etter Geithusli og seinare vestover til Geithus. Med på turen var Egil, Egil Jørgen, Bjørn og Jonny. Føremålet med turen var ei form for skattejakt utan å røpa noko meir. Me fann "skatten" og fekk han velberga i hus.

Kveldstur til Mastrehaugfjellet

Date:

16.09.2014

Characteristic:

Hillwalk

Duration:

2:00h

Distance:

5.2km

Det flotte haustveret lokka Karin og meg på kveldstur på Seimsåsen. Turen vart ein kombinert tytebærtur og fjelltur utan hastverk. God sikt til fjellområda kring Årdal förde til taking av ein del nye bilete. Etter å ha vore på høgaste punktet på Mastrehaugfjellet, oppdaga me på returen ein gamal, nesten attgrodd sti som eg ikkje har sett før. Det betyr at retursporet på GPS syner der stien går. Kan tenka meg å merka denne stien betre, og i tillegg setta opp ein varde på toppunktet, noko som pr. i dag ikkje finst. Frå parkeringsplassen ved Åsetetjørni og opp til varden på Biskaholten tek det vel ein halv time. Herfrå og bort til høgaste punktet på Mastrehaugflellet gjer ein fint unna på 20 min. Tytebærfangsten vart 1,75 kg.

Fottur til Store Ringstinden

Date:

05.09.2014

Characteristic:

Hillwalk

Duration:

12:00h

Distance:

18.7km

Denne tinden er nok ein dominerande skitur-topp. Det burde han ha vore for oss og, men div. problem tvinga oss til å snu 24. Mai 2008. Etter det, har tinden lege bak i hovudet og ”murra”. Fint ver, matchande fri-skift for Arild og løyve heimanfrå stemde over eins, og då var det berre å trø til. Svært spente på bre-tilhøva la me i veg innover Ringsdalen etter å ha parkert ved enden av den vesle anleggsvegen. (demningen) Klokka var då 09.10. Etter tre kvarter kryssa me grensa til Nasjonalparken. Dersom ein er glad i steinurder, er turen herfrå og opp til brekanten rette staden. Kl. 11.45 tek me fat på det bratte partiet på austsida inne i dalen. Her er delvis merka ein oppgang som fører oss over ein høgde med varde og deretter ned til brekanten. Her frå er det fin oversikt >>>

Ulsnanosi

Date:

21.08.2014

Characteristic:

Hillwalk

Distance:

16.5km

Arild (Appiz) og eg starta frå parkeringsplassen ved Hjelle Gard i Utladalen. Her er det merka sti (DNT) opp Hjelledalen. På "Bråtet", 460 moh der taubana endar, var det naturleg med fyrste pause. Flott utsikt og ferdig med den verste stigninga. Vidare på god sti til Heimre Hjelledalen (Vårstølen) og vidare til Fremre Hjelledalen. Alle stølshusa på begge stølane er sett i stand og er nærast eit glansbilete. All ære til dei som har sett i stand husa. På vegdelet oppe i bakkane etter Fremre Hjelledalen tok me til venstre, på stien som går til Øytjørni og Morkaskardet. Med ein gong terrenget flatar ut, kjem ein til ein høg slank varde ved stien. Her tok me rett opp til venstre, retning Ulsnanosi. Me fylgde høgdene innover, kryssa eit par små "dalar" og etter >>>

Bonustur til Nedre Tverrberget

Date:

08.08.2014

Characteristic:

Hillwalk

Duration:

2:00h

Distance:

4.8km

Etter etter å ha kome attende til anleggsvegen ved Vikadalsvatnet etter Raudbergsnuten og Fossek-traversen, var dagen framleis ung, veret flott og formen det same. Me avgjorde difor å få med oss ein "bonustopp". Valet vart Nedre Tverrberget, ein pf100 som framleis var grå på kartet mitt. Me starta ved øvre enden av Nysetvatnet og brukte omlag ein time opp på høgaste punktet. Rett før toppen låg ein svær spiss stein. På toppen var det ingen varde, så me la nokre steinar oppå kvarandre for å markera toppunktet. Flott utsikt til Graveggi, Kråkebergnosi og ikkje minst Raudbergsnuten og heile Fossek-ryggen som me hadde gått tidlegare på dagen. Turdeltakarar : Jon E. og JonnyA

Raudbergsnuten og Fossektraversen

Date:

08.08.2014

Characteristic:

Hillwalk

Distance:

11.3km

Raudbergsnuten, like mektig og flott frå alle kantar. Raudbergsnuten er eit fjell som har stått på besøkslista i fleire år. No var tida inne til å ta turen. Utgangspunktet for turen var Sluten på Filefjell. Anleggsvegen opp Valdresdalen kan ein gå, sykla eller om ein er heldig få haik med nokon som har lov å køyra bil her. Alternativt kan ein gå Slutedalen. Sjølve toppturen for Jon Einemo og meg starta ved utløpsenden av Nedre Vikadalsvatnet. Me tok opp dalføret rett nordover mot høgde 1572, runda denne på austsida og dreia til nordvest via ein liten dalbotn. Deretter rett mot søkket like under toppen. Her var ei naturleg renne med raudt fjell i kanten av brefonna der det var fint å koma opp. Tåkeskyer som dreiv litt, hindra den store utsikten, men det var likevel flott endeleg >>>

Grønvassnosi

Date:

02.08.2014

Characteristic:

Hillwalk

Distance:

15.4km

Grønvassnosi Kl. 10.00 parkerte me ved avkøyrsla til stølen Murane i Fardalen. Målet for dagen var Grønvassnosi. Dette er ein av 63 toppunkt i Årdal kommune med pf 100. Grønvassnosi er ein grensetopp mellom Årdal og Luster og ligg 1598 meter over havet. Med på turen var Karin, broren Idar og eg. Me tok opp på vestsida av brua der Tindevegen kryssar Fardøla, passerte Johannanosi og runda innover til Kvannegrø. Der tok me opp ei tydleg skor i fjellsida der ein kan velja urd eller gras til underlag. Me gjekk opp grasbakkane og det gjekk fint. Vel oppe på ei flate med ei fin tjørn skrådde me oppover til venstre for å koma oss oss opp på fjellryggen. Deretter var det greitt å gå innover høgdene mot dagens mål. Kl 13 stod me alle på toppen. Det var flott utsikt mot Falkanosi (Luster) >>>

Skeikampen

Date:

13.07.2014

Characteristic:

Hillwalk

Duration:

2:00h

Distance:

8.5km

Kidliknappen og Roåkerknappen

Date:

12.07.2014

Characteristic:

Hillwalk

Duration:

2:00h

Distance:

6.0km

Hugakøllen

Date:

02.07.2014

Characteristic:

Hillwalk

Duration:

1:30h

Distance:

4.3km