Glimrande fottur i flott haustvêr. Turen starta med maskinistbustaden ved Dalavatnet ovenfor Hellandsbygd. Saudefaldene var i full gang med å oppgradere damanlegga til Sauda II, og hadde til min fordel bygd ein anleggsveg opp til vestenden av Finnflotvatnet. Herfrå vidare på god kløvesti opp til nedre Fjellvatnet. Her dukka Skaulen-massivet opp. Me fortsatte opp til hytta ved Dokkavatnet. Denne brukte tyskarane som stall/lager for forsendingane til radiolink stasjonen på toppen. Videre lettgått forbi Såtakvelven, inn botnen, og bratt "sikk sakk" opp mot ryggen av Skaulen. Herfrå greit varda over svaberga mot toppen. Uvanleg varmt og vindstille, og ypperleg utsikt i alle retningar.
User comments