Surnadal: Storhaugen (23.04.2015)

Ein spesielt ruskete dag, resultat vart ein trimtur i Todalen. Kjøyrde til Todalshytta og rett forbi, der er det parkering og skilting til Storhaugen. Ein kan velje 2 ruter. Tjukke snøbyger og mykje vind, vi pakka oss godt inn. Gjekk over ei mark og vidare langs skogsveiar til vi tok av opp ein god sti. Stien gjekk til nokre benkar ved eit utsiktspunkt. Dette var imidlertid ikkje høgaste punktet. Det låg litt lenger bakpå, vi gjorde det vi kunne for å finne høgaste tua.