Giske: Storhornet, Signalen og Molnesfjellet. pf 100 i boks (21.02.2012)
| Turtype | Fjelltur |
|---|---|
| Høydemeter | 1050m |
| Kart |
|
| Bestigninger | Blindheimsfjellet (77moh) | 21.02.2012 |
|---|---|---|
| Husefjellet (148moh) | 21.02.2012 | |
| Lesten (401moh) | 21.02.2012 | |
| Molnesfjellet (122moh) | 21.02.2012 | |
| Signalen (231moh) | 21.02.2012 | |
| Storhornet (497moh) | 21.02.2012 | |
| Synesfjellet (90moh) | 21.02.2012 | |
| Andre besøkte PBE'er | Johan Skytt | 21.02.2012 |
Planen for dagen var alle toppar i Giske kommune. I ettertid ser eg at Havsteinen manglar så den må ordnast på eit eller anna vis, sannsynlegvis med kajakk. Overnatta hos Åsmund, ein kollektivkompis frå Voldatida. Han hadde heldigvis mulighet for ein fridag og vart med på desse toppane.
Kjøyrde først til Alnes og gjekk runda rundt Alnesvatnet til Lesten og Storhornet. Var bortom Johan Skytt på veg nedigjen. Eit islag på steinen gjorde den såpeglatt så det var berre å ake seg utpå. Ingen god ide og ramle utfor her!
Kjøyrde så til Valderøya og parkerte ved barneskulen her. Hadde morro av å vurdere primærfaktoren på ein molddunge som låg der. Åsmund kom sjølvsagt med ein ide om å klyvre opp hammaren rett bak skulen. Det vart i overkant spennande og tok si tid. Frå Signalen gjekk vi rett sørover og plukka Husefjellet.
Dagen vart avslutta med Molnesfjellet, Blindheimsfjellet og Synesfjellet utan at det er noko meir å skrive om. Rakk akkurat SFO så Åsmund fekk henta kidsa.
Kommentarer