Stryn/Luster: Toppar rundt Sygneskarsbreen (28.05.2012)  

3 dagers prosjekt i Stryn kommune. Langhelg og gode meldingar. Åpningshelg for Sommarski, og eit alternativ var å gå over Tystigbreen til Kamperhamrane. Tanken på parkeringskaos og folkekaos gav oss frysningar langt nedetter ryggen så ein stille fredeleg Sunndal lokka betydeleg meir. Dalen er i seg sjølv verdt eit besøk.
Dag 1. Avgang Sunndalen 0900. For å komme hit kjøyrde vi inn til høgre etter å ha passert Folven. Ca 5 km, bomveg. Etter å ha passert Sunndalssætra kom vi etterkvart opp i snøen og kunne spenne på oss ski på ca 700m. Opp Kamperhamrane mot Merradalsbotn. Tok så første rygg opp rett sør for vatn 1172. Første topp Sygneskarsfjellet 1692. Vidare sørover og vi etablerte leir vest for punkt 1670. Tok ein ettermiddagstur til Rundeggi i Luster kommune.

Dag 2. Tur til 2 1800-metringar i Stryn. Svartefjellet 1809 og Sætrefjellet 1892. Eit legendarisk sugeføre gjorde at vi gjekk heile dagen uten feller. Tilbake ved teltet tok vi avgjerda om å pakke saman og returnere til Merradalsbotn. Meldingane for kvelden var tilskyande og mykje vind, og det stemde. På veien var vi bortom Sikilbreen 1749, ein viktig topp i Stryn 50m-lista. Vi fekk opp teltet i Merradalsbotn i enorm vind og etterkvart nedbør. Godt å komme i påsan etter middag og jaggu hadde Lise ein vinskvett i sekken!

Dag 3. Vakna til grått ver men stille og ikkje nedbør. Planen var å gå til Sætrehyrna 1610. Fekk denne i heilt ok ver men mykje kaldare denne dagen. Nedkjøyring med stor sekk med knall og fall. Heldigvis smale telemarkski med ok sko. Flott avslutning på denne turen å gå ut Sunndalen. Her ligg det mykje historie og dramatikk. På sætra møtte vi eit svensk par som eigentleg var på sommarski men hadde tatt denne fotturen inn dalen. Hadde ein lang prat med dei.