Rauma: Nonstinden, Møre og Romsdal nr 1000!

Date:

13.10.2016

Characteristic:

Hillwalk

Duration:

4:20h

Distance:

8.9km

Låg lenge og drog meg i bilen i dag. Bikkjekaldt, trumaen fekk gå ein time før eg våga meg ut under dyna. Så var det heller ikkje noko superlang tur eg skulle på, så greitt å vente til sola hadde fått tak. Parkerte på Nedre Røsta parkeringsplass. Her var det skilta i alle retningar og infotavle. Skilting til UTEDASS var det og. Fulgte stien mot Stordal/Fokhaugstova mm. No hadde eg heldigvis info frå Lise om stien bak jakthytta. Den var lett og finne, og den tok meg over skoggrensa. Så var det berre å peile seg opp steinura til ryggen og vidare lett til Nonstinden 1573. Nokre få snøflekkar oppover, mot toppen på det flate partiet litt meir snø, men ingen vanskar. Brukte akkurat 2 timar opp. Boka som Palmer Øverland la ut i 2000 var langt frå utskriven. Dette er nok ein flott >>>

Rauma: Middagstinden og Kinnakollen

Date:

12.10.2016

Characteristic:

Hillwalk

Duration:

6:15h

Distance:

12.1km

Hadde overnatta i bilen på Måna Camping. Kjøyrde bomveg, kr 90, mot Bøstølen og parkerte rett over brua der den merka ruta til Tindevatnet startar. Det var frose til, så hardt og fint å gå myrpartia langs elva. Snart oppe i sola vart det svettebyer og lettelse i antrekk. Runda rundt på nordsida av humpen 943 i skaret. Tenkte å ta denne på returen, slik vart det ikkje. Nå er den uvesentlig så det gjer forsåvidt ingenting. Opp bratt ur til den flotte ryggen som går til Middagstinden. Skjønte med ein gong at her vart det endringar i planane. På austsida av ryggen går det ei hylle/renne nedover i retning Kinnakollen. Denne skulle testast ut! Vidare langs den spennande og flotte ryggen til det luftige og meget fine toppunktet på Middagstinden. Lang og god pause i sola, her snakkar >>>

Rauma: Prosten, Langfjellet, Trollstolen, Blåstolen

Date:

11.10.2016

Characteristic:

Hillwalk

Duration:

8:26h

Distance:

23.1km

Første dag av eit kort 3-dagersraid i haustferien. Kom til Måndalen måndag kveld og overnatta på Måna camping. Runda over desse toppane er veldig fin. I skoggrensa ca 460 moh ligg det nokre hytter. Her møtte eg trivelege folk som var der på overnattingstur med veslejenta. Flott plass å tilbringe nokre dagar i den solvende sida der. Elles såg eg hverken folk eller fe på turen. Meir info finst under bilda.

Stryn: Hogden

Date:

02.10.2016

Characteristic:

Hillwalk

Volda: Trollvasstinden

Date:

24.09.2016

Characteristic:

Hillwalk

Duration:

5:02h

Distance:

10.8km

Eid: Blåsvednykjen

Date:

23.08.2016

Characteristic:

Hillwalk

Duration:

5:00h

Eid: Svartegga

Date:

21.08.2016

Characteristic:

Hillwalk

Duration:

5:00h

Distance:

9.2km

Rekrutteringstur til lokal topp. Thomas låg i lavvo med familien sin ved Kinna. Vi andre møttest på Lotsstøylen søndag kl 1130 og gjekk veien oppover. Rett før den 3. svingen tok vi av på svak sti innover mot den lisje pytten som heiter Kinna. Her møtte vi dei andre som hadde hatt ei fin natt. Etter mykje halloi og skitprat heldt vi fram vidare mot toppen. Ungane gjekk mykje sjølv oppover mot Svartegga. Stille og fint på toppen, lang matøkt. Returnerte samme veien. Vinjar fekk sove litt i bæremeisen. Lavvo-gjengen hadde ein del arbeid med å pakke saman så vi forlet dei ved Kinna. Turfølgje var Gustav og kona med dei to jentene sine, Thomas og kona med sine to jenter.

Sunndal: Vettafjellet og Vikfjellet

Date:

07.08.2016

Characteristic:

Hillwalk

Duration:

5:49h

Distance:

15.3km

Status Møre og Romsdal pf 100: 993/1156 Vi hadde overnatta på parkeringa ved veis ende på Svinberget. Ein veldig roleg plass. Stien oppover er lett å finne, startar frå parkeringa, markert med ei raud pil på veiskuldra. Vinjar gjekk sjølv oppover skogen ca 220 hm. Så vart det bratt og vi tok han i meisen. Oppover mot mastene friskna det til med vinden. Lett å finne fram på stien som går heilt til topps. Skreiv oss inn i boka og fann le til matøkta. Så skilde vi lag. Eg skulle plukke Vikfjellet medan Lise og Vinjar gjekk ned til bilen igjen. Ryggen sørover mot Vikskardet er som Otto skriv uryddig. Gjekk litt ned i austsida. Frå skaret ei lita bratt kneik opp mot Nonshaugen, så lett sørover til Vikfjellet. Merka meg nokre store vardar som stod på austsida. Planen var å gå ned >>>

Sunndal/Nesset: Krøshøa

Date:

06.08.2016

Characteristic:

Hillwalk

Duration:

3:30h

Distance:

9.4km

Det hadde regna enormt om natta og på formiddagen. Stakk innom Aursjøhytta og kjøpte oss kake og kaffi medan vi grubla på kva vi skulle ta oss til med. Her var det eit internasjonalt miljø, jentene snakka engelsk med amerikansk vri. Worldwide backpacking og silikonpuppar stod på saklista. Vi kjøyrde austover, til der stien til Grøvudalen og Raubergshytta kryssar veien. Skulle gjerne tatt med Bjørnhovda på denne turen men det var heilt uaktuellt i dette veret. Den skal med i eit anna prosjekt frå Geitavollen. Då vart det ein enkel og grei tur til Krøshøa. Vått og fuktig i terrenget, skodde ca halve turen, men regnet slapp vi heldigvis. Lise gjekk først og staka ut kursen med GPS. Kom først til eit par vardar som ikkje var høgste punkt. Gjekk vidare til hovudvarden. Litt usikker >>>

Nesset/Lesja: Midttinden

Date:

05.08.2016

Characteristic:

Hillwalk

Duration:

2:06h

Distance:

8.5km

Kom frå Eira Camping i Eresfjord der vi hadde overnatta. Kjøyrde den spennande Aursjøvegen opp frå Finnset. Kr 100 som betalast med kort. Parkerte ved Ytste Seljefonnbekken. Lise gjekk først, eg styra på med Vinjar som og skulle sove litt. Ho brukte drygt 2 timar på dette prosjektet, så var det min tur. Gjekk opp vest for bekken, over eit snøfelt og så vidare rett sørover mot toppen. Lett skodde rundtom på toppane, men såg no litt. På returen fekk eg tlf frå Lise. Ho hadde observert 2 stk som var på spasertur oppover sida. Kva dei ville der er usikkert, men dei snudde ved snøfeltet og tok ei hårete rute nedover nokre sva. Lise satt klar og skulle ringe 113. Eg såg dei når eg kom over kanten, passerte dei på ca 100 meter. Guten først og jenta etterpå akande på rumpa nedover. >>>