Blåfjellet (17.07.2015)

Flott tur til Blåfjellet på den finaste dagen inneklemt mellom fleire kjølige regnversdagar.

Starta frå Randabygda Idrettsanlegg og knalla oppover ein skogsbilveg som gjekk over i traktorveg og sti etterkvart. For å kome på rett kurs mot Blåfjellet, knalla eg i nordvestleg retning av frå stien.

Flott utsikt frå Blåfjellet! Ut frå graden av varding og stibruk verkar det til å vere lite folk som går her, noko eg finn litt underlig. Men Glitteregga ved sida av - med sine over 1000 meter i primærfaktor - stel vel dei fleste turgåarane.

Knalla nedover i delvis luftlinje mot Ålandsstøylen. Ikkje sti og noko myrete, høge fjellsko eller støvlar er anbefalt her.

Det kunne sjå ut til at det gjekk ein mindre sti oppover frå Randastøylen og mot eit punkt på 917 m.o.h. Eg trur gjerne at dette kan vere ei endå betre rute mot Blåfjellet, utan at eg veit det sikkert.

Batteriet tok slutt nokre hundre meter før turslutt, eg har dermed lagt på litt tid og distanse her.

Fotoseanse her: