Uranostravers & Slingsbytinden (28.07.2016)  

I hui og hast vart det avgjort omtrent kl 22.30 tirsdagskveld at det vart Uranostravers dagen etter. Beste vermelding denne veka og ei god trøyst for kansellert Skagastølstravers..
Starta klokka 9 presis frå Koldedalen saman med Kristin med utruleg fint tempo og driv oppover mot S2. Regn og tåke men lovnad frå Yr-guden om at sola kom klokka 12 var det berre å gi full gass. Sleip steinur skal seiast men oppover gjekk det svært fort.

S2 vart nådd omtrent etter 2,5 timar og vidare til S1. Ein liten matpuase før stortoppen og då kom sjølvaste sola.

Heretter var det løpande sikring med eit par faste sikringspunkt oppover.

Toppen vart nådd like før kl 13, i underkant av fire timar frå start.

På vegen ned møtte vi nokre fjellførarar med gjester frå Fondsbu.
Tida var god så det var berre å hive seg oppom Slingsbytinden - i tåkehav. Vidare nedover Uranosbreen der vi gjekk i taulag på snøen til blåisen, omtrent 1 km frå munningen til 1518 vatnet. Her tok vi på stegjerna. Mykje og store sprekker på austsida mot Langeskavlen.

Ein svært flott tur om enn noko vått fjell og lite sikt til tider. Travers er konge!