Trolledalsegga (09.08.2015)

Siste dag i Nordfjord denne ferien. Noko ustabilt vær, men ikkje verre enn at ein måtte kome seg på tur. Tenkte eg kunne lufte slekta litt, og lokka Kona og Christopher med Trolledalsegga og grusveg heilt til topps.

Etter litt feilkøyring på Lote fann vi vegen til Lotsstøylen. Her kom høgdemetera fort (på bilvegen opp til støylen)!

Parkerte på støylen og gjekk svingane oppover mot toppen. Det vart etter kvart noko kald trekk. Skodda låg på omtrent 1000 meter, og vi kom etterkart opp i vestlandsk heilårsvær (5 grader og duskregn). Det skulle vere veldig fin utsikt herifrå, men i dag fekk vi nøye oss med å sjå litt på Horningdalsvatnet.

Etter ein kjapp skjevestopp i ly av huset på toppen sprang vi tilbake til bilen. Det vanka softis på turleiar og nevø etterpå.