Dei 4 store i Bymarka, med start i sentrum. (25.06.2016)

Sidan eg i eit anfall av overmot har meldt meg på fjellmaraton på Oppdal til hausten må eg få nokon lenger turar i beina. Eg hadde sett ut ei løype med start i sentrum, over dei fire fjella i bymarka med pf>100: Geitfjellet, Stadsheia, Storheia og Gråkallen.

God steam opp til Geitfjellet (40min), fann ein grei veg herifrå til Tømmerdalstorget, og vidare til Stadsheia (1:20). Her fekk eg oppklart kvar eg gjekk feil sist eg var her i skoddehavet. Så kom den lange distansen til Storheia, med mykje ned og opp att. På veg opp til Storheia byrja eg å kjenne det i beina. På toppen etter 2:20.

Fint driv mot Gråkallen, og bratt og tungt opp her. Her byrja eg å få sporadisk krampe i leggane. På toppen (eller på utsiktspunktet, strengt tatt, sidan sjølve toppunktet er militært område) etter 2:50.

Veldig fin sti nedover mot Kobberdammen, men no byra eg å få seriøse problem med krampe på baksida av beina, og ved Tømmerdalstorget måtte eg ta ein stopp for å strekke det av meg. Her var det tankar om eg skulle springe bilvegen nedatt.

Men det gjekk greit så lenge eg røyrde meg, så eg valde den orginale planen. Fjellmaratonet avsluttar med nedspringing heile skibakken, og eg ville øve litt på dette. På veg nedatt forbi Våttåkammen gikk det, men seint. Tilbake på bilvegen stramma det seg så eg hadde problemer med å gå riktig. Dette må jo være maraton-distanse!

Det var med ein viss skuffelse eg noterte meg at eg hadde brukt nesten 4 timar på 3 mil. Tilbake i redet vart eg liggande kvalm og kald på sofaen. Living the dream, YOLO og alt det der. Tydelig at tempoet hadde vore litt vel høgt.

Ellers var dette ein innmari fin løpstrassé i variert og nydelig terreng, så det kan anbefalast på det sterkaste! I morga blir det hyttetur, kos og kilo på kilo med grillmat!

Slik det teiknar seg no blir 11. september 2016 ein ny katastrofedag!

Start date	25.06.2016 15:09 (UTC+01:00 DST)
End date	25.06.2016 19:07 (UTC+01:00 DST)
Total Time	3h 58min
Moving Time	3h 57min
Stopped Time	0h 1min
Overall Average	7.3km/h
Moving Average	7.3km/h
Distance	28.9km
Vertical meters	1,789m