Gjendealper (09.07.2016)

Det er alltid kjekt å være fleire på tur! Geir Arne Garm (Gal Krokfot) manglar fortsatt ein del 2000 m toppar som ikkje eg har vore på. Denne helga passa perfekt, men været var noko uryddig for helga. Lenge sidan eg har vore innom 2000 m toppar og eg kjenner alltid ein lengsel etter dei turane. Geir Arne hadde denne gangen planen over ruta og toppane og visste kva eg mangla. Vi tok første båt ifrå Gjendesheim kl 07.45. På båten fekk eg endeleg helse på Jørn Atomsilda (Jørn Håvard Ask)og Odd Arne Madsstuen som begge har samla 2000 moh toppane. Kjekt at dei ville være med på turen. Dei skulle være med over Svartdalspigger, Langedalstind, Mesmogtind og tilslutt Kvitskardtinden. Derifrå var planen til meg og Geir Arne å fortsette til Leirungstind via Svartdalsbandet så til Leirungskampen, vidare ut Kalvehøgda og til Heimdalsmunnen. Der hadde vi parkert Geir Arne sin bil. Sidan tjukk skodde og nedbør gjorde det litt meir komplisert og tidkrevjande! tok vi etterkvart ei beslutning om å korte ned på turen som det mest fornuftige. Etter siste tur ilag på Mesmogtinden fortatte Odd Arne og Jørn vidare til Kvitskardtinden og tilbake til Gjendebu. Eg og Geir Arne tok avstikkaren bortom Midtre og Søre Langedalstind. Vidare russla vi opp Kvitskardtinden der Geir Arne tok ein liten strekk, medan eg var nedom Kvitskardoksle og oppatt til Kvitskardtinden for litt fotoshot. Returen ned att gjekk som ein leik i slush snø i spora til Jørn og Odd Arne. Gjendebu nådde vi til Kl 22.45. Der venta ein særdeles fin overraskelse med 3 retters middag og tilslutt koselig prat med litt rødvin på Gjendebu.
Takker Geir Arne, Jørn og Odd Arne for triveleg tur!