Rauma/Nesset: Kjøvskartind, Husnebba og Aksla (28.07.2016)

Dag 2 av kort og sein familieferie. Kom frå Vaksvikfjellet og Næremstindane som vi var på onsdag kveld. Kjøyrde bomvei til Kavlisetra der vi parkerte i inngjerda område med 2 bilar. Lise var først og fremst gira på Kjøvskartinden og la i vei umiddelbart. Vinjar skulle sove, og så brukte vi lang tid etterpå inn mot Kavlisetra. Møtte ein grunneigar, ei dame som ikkje hadde mykje godt å seie om dei vanvittige utbyggingsplanane til Rauma Utvikling. Mykje flotte hestar og sauer rundt setra, kjekkt for Vinjar. Gjekk vidare innover og tok av på stien mot Måsvassbu. Etter ei stund ser vi Lise som kjem oss i møte. God pause med mat og godteri før vi skilde lag igjen. Gjekk opp grasbakken i vestsida til sørryggen. Fulgte så ryggen til topps på Kjøvskartinden. Flott temperatur, men nokre lette byer trua i vest. Gjekk så vidare til Husnebba og innom Husnebbu. Fekk tlf frå Lise som hadde lagt igjen klokka si einplass.... det resulterte i at eg måtte tilbake og opp der vi hadde møttest og hadde pause. Her fann eg klokka ved den store steinen der vi åt nista. Kjempeflaks.
Frå Kavlisetra kom eg inn på stien mot Aksla. Frå toppen tok eg kortaste rute ned nordover mot parkeringa. Her var det bratt, ikkje noko å anbefale. Lise og Vinjar var alt installert med bobilen i Isfjorden hos Jan Petter. Eg tok den andre bilen og kjøyrde dit.