Bergsbukken (19.02.2012)

I dag besøkte me Bukkane i Bergsdalen. Som vanlig var turfølge Aina og Jørn. Me starta frå Småbrekke kl 1045, via Moadalen og inn til Grågavltjørnane der me dreia NV og meir eller mindre rett på Liabukken. Rett før oppstigninga mot Liabukken traff me på 2 reinsdyr. Hadde kun vidvinkel på kamera men tok likevel nokre bilder. Litt ryper såg me og på turen. Det blas kraftig på toppen og det vart ein kort stans på Liabukken før me fortsatte bortover til Bergsbukken. Her var det av med fellene og kjøring ned i retning Småbrekkebukken. Nede i skardet var det nesten vindstille og me tok lunsj. Etterpå var det på med fellene igjen og trasking opp på toppen av Småbrekkebukken. Vinden var som venta sterk på toppen og etter at den obligatoriske foto seansen var det berre å få av fellene og sette utfor igjen. Fellene vart liggande i sekken på returen og det vart noko staking tilbake. Me gjekk totalt 17km og var på tur i 6 timar. Flott dag i flott natur.

Bilder: http://www.utifriluft.com/Ski-og-toppturer-vinter/Bukke-tur-i-Bergsdalen-190212/21541781_2Gp82f#!i=1717466261&k=TnPqhVg