Munken - via ferrata (04.07.2009)

Klatra munkenstigen med Andreas og Rannveig. Dette er ein via ferrata opp Munken, fjellveggen ein ser rett over mot i frå byen. Sol og flott vær denne dagen. Dette var ein av mine fyrste opplevingar med meir "utsett" friluftsliv, så eg var nok litt smånervøs før vi sette iveg. Kom meg greit opp "testløypa", så vi fortsette oppover løypa der det ikkje lenger var anledning til å snu.

Til tross for litt høg puls gjekk det for det meste greit, heilt til vi kom opp skogen. Det gjekk relativt sakte med meg når vi skulle ut på eit bratt og glatt sva som verka særdeles utsett. Til tross for angst og antydning til kryping og blodgrep om wiren, kom eg meg da til slutt over denne kneika også. Det siste svaet opp mot toppen gjekk greit, og det var godt å koma seg til topps, få klippa ut selen og ete lunsj. Retur om den "vanlege" stigen.

Med på tur anforb (Andreas Forberg) og Rannveig.