Ryssdalshornet (10.10.2013)

Hadde kalkulert med å kunne køyre opp til Ryssdalsstøylen, men det var skilta parkeringsplass på ca 80 moh ved kraftverket bortforbi Ryssdalsvatnet. Vegen hadde fleire særs bratte parti og kan ikkje anbefales med vanleg personbil sjøl om vegstandarden elles var overraskande god. Ved Ryssdalsstøylen er stien skilta mot venstre og litt opp i fjellsida er det nokre klyveparti og det hang kjetting over eit strekk på ca 30 hm. Vel oppe på nordvestryggen er det god utsikt ned til Sandane og enkel vandring vidare opp til Ryssdalshornet. Litt sein avgang men kom heldigvis opp i tide før sola gjekk ned. På nedturen var eg bortom 1160-toppen der vardeboka er. 5t tur/ retur, korav 4t gangtid.