Vestnes/Haram: Rekdalshesten og Urfjellet (31.05.2014)

Vi starta på Rekdalssetra litt usikkre på veret. Skodda låg nedpå som dagen før. Eg hadde først vore ein kjapp tur på Snaufjellet medan Lise styra med junior. Frå Rekdalssetra er det merka og god sti oppover lia mot Rekdalshesten. Såg ut som stien svinga mot stupet der det stod ein varde. Dette var vi ikkje interessert i, så gjekk i skodda og leita opp toppunktet. Vidare sørover mot Urfjellet. Her skilde vi lag. Lise og Vinjar returnerte, medan eg gjekk vidare for å plukke eit par pf 50-toppar. Frå Urfjellet gjekk eg vidare sørover og kom inn på ei rute i Skjerdinghalsen. Vidare austover mellom 2 vatn og opp på Storknausen. På returen gjekk eg forbi eit turfølgje på 5 som stod og fiska i frålandsvinden i eit av vatna. Kom aldri i dialog med dei, berre ein høffleg labb i veiret. Tilbake i Skjerdinghalsen tok eg opp høgde til ca 650-700 før eg fulgte ryggen til Byrkjevollhornet. Herifrå bratt ned Hornbotnen og vei ned til Eik ved Vestrefjorden. Ei eldre dame som sjekka postkassa kunne bekrefte at det var voldsomt fint i fjellja, men ho var no ikkje brukande til slikt lenger...deretter kom heile legejournalen. Utruleg kor mykje ein kan få sagt om kor mange plager ein har, på kortast muleg tid, til folk ein aldri har møtt før. Heldigvis kom ein kvit Fiat kassebil rundt neset, redninga!