Rivenoskulen og dag to i Breheimen (20.07.2014)

Når ein først er i eit så flott område og veret spelar på lag, så må ein utforske området noko meir:) Så då vart Rivenoskulen eit godt alternativ, køyrde vidare bomveg inn til Mysubytta frå Sota Sæter kr 40,- Eit utruleg idyllisk område med spesielt stor furuskog og mange på sykkel og søndagstur innover dalen i godveret. Inne ved Mysubytta og Støylsområdet følgde vi over brua og i merka sti eit stykke. Så tok vi av stien rett mot dalføret Sumarkvila, etter først å ha vassa over elva her. Fant ikkje side sti eller bru over elv mot dalen frå dette området. Men greit terreng å gå i, litt dyretrakk enkelte stader. I dalføret og oppe i Sumarkvila, var det berre å nyte skiva med kvitost og dalen som kler sitt navn ein sånn dag :) Følgde elva eit lite stykke opp, så tok vi av mot vest og gjekk ryggen rett opp til Syrtbyttnosi 1700 moh (artige navn i desse områda..) På toppen der var det berre å studere den lange snø og brebakken opp mot Rivenoskulen...den såg verkeleg laang ut!! Men det er då det gjeld å ommøblere psyken litt.. :) Tippa ca ein time gange mellom topp punkta, noko som stemde bra om ikkje Heilnøtt-plata måtte fram i fem min. :) PS. snøbakken lyg litt!! Gjekk ryggen ned og mot Isvatnet, og vidare fin oppgang med spesielle hyllesva og utruleg lettgått terreng opp mot Røykjeskarhøi 1808 moh . Mykje stein ligg i botnen med vatna, breen må nok ha jobba bra på her og trekt seg godt tilbake dei siste åra, litt av eit vill område!! På toppen av Røykjeskarhøi 1808 m fant vi ut at denne toppen fortente ein aldri så liten varde. Det vart bygging på gang...men greit med litt avveksling i gåinga :) Rusla vidare og sklei fint på småbreane (Vestre Kollebreen) ned mot Røykeskålhøi 1536 m og ned til ny elvekryssing. Superfin rundtur og ikkje heilt lik gårdsdagens rundtur, som gjekk til Tverrådalskyrkja og Tundradalskyrkja. Alltid kjekt med variasjon :):)

Turfølge Johan