Vått i Finnemarka

Datum:

21.09.2014

Tourcharakter:

Wanderung

Heim frå Hjerkinn i går og tur med Marit og Tom og Uncas i dag. Denne gongen køyrde vi til Øståsen opp frå Natvet ved Tyrifjorden. Vegen heiter Breilivegen. Vi møtte fetteren til Marit, som viste oss på veg. Vi tok ei rute som gjekk frå nord til sud. Tok av opp mot Breilihytta, gjekk forbi hytta Bekkeli og deretter til Breilivatnet. Vi følgde orangemerkte tre til vatnet, og fann heilt greitt opp til Lauvkollen. Der hadde vi sol medan vi åt niste. Vi gjekk tilbake over Breiliflaka, som eigenleg var ein finare topp. Så tilbake via dei militære installasjonane (sambandsutstyr og bunkers) og ned til myra med løypekryss. Vi brukte ca 4,5 time på turen som målte 14 km. Marit logga 21000 steg! Småregn og sol, på heimvegen heller mykje regn. Tom, Marit og Uncas var med.

Dovre for første gong

Datum:

19.09.2014

Tourcharakter:

Bergtour

Tourlänge:

7:00h

Etter to dagar med seminar på Kongsvoll og ein liten tur over Hjerkinnshøe, valde eg å hoppe av ein av bilane på Hjerkinn og ta bussen inn til Snøheim fredag morgon (1045-bussen). Møtte ein kollega frå jobben på bussen som var i eit følgje. Heldt litt følgje med dei til inn til Gamle Reinheim, før eg gjekk litt frå. Det var stille og sol, med nokre lette skyer og dis som etter kvart låg under meg. Gjekk i t-skjorte opp, men kledde på meg då eg kom opp, og sat og og rasta i ein time eller noko sånt. Utruleg flott. Litt usikker på om eg torde å gå bort til Midttoppen, men to damer av min type ville prøve seg, så vi gjekk saman. Det var heilt kurant, i alle fall så lenge ein ikkje feste blikket ned i avgrunnen! Flott utsyn ned på baksida av fjellet med irrgrønt vatn. tilbaketuren >>>

første gong på Kvamsfjellet

Datum:

06.09.2014

Tourcharakter:

Bergtour

Tourlänge:

4:00h