Skardhøa (05.04.2012)

Dette skulle eigentleg bli ein tur til Høgkletten. Men pga ubrøyta skogsveg/fjellveg vart det heller ein tur til Skardhøa. Turen starta frå Mjovassdalen (780 m.o.h.). Det var lite snø i fjellet her. Eg måtte ta av skia enkelte stader, men elles var det godt skiføre med skaresnø med eit tynt lag nysnø/fuktig snø oppå dei fleste stader.

Ein fin tur som kan anbefalast for dei som vil ha ein topptur og ikkje er avhengig av altfor bratte hellingar. Eg vil anbefale ruta eg gjekk oppover, men ikkje ruta eg gjekk nedover (sjå GPS-spor som snart blir vedlagt). Ruta eg gjekk/rente nedover, enda nede i eit dalsøkk der eg måtte gå bratt opp att nokre titals høgdemeter pga bratt terreng ned mot elv i dalbotnen.