Bjørsetfjellet og Hegrenesnipa (04.08.2015)

Starta i Dalen ved Ålhus, og gjekk opp mot Skarstøylen, der Jølster Fjelltrim har ein av fjelltrimpostane sine. Fulgte traktorveg/ sti heilt opp i dalen. Svinga vidare opp mot Hegrenesnipa, der det var sti. Toppen av Hegrenesnipa gir god utsikt mot Jølstravatnet. Deretter gjekk eg ned i dalen igjen og opp mot Bjørsetfjellet. Her er det til dels merka sti. Det er framleis litt snø oppover, men ikkje så mykje at ein er nøydd å gå oppå den. Men stien er delvis dekka med snø. Måtte gå litt ut mot kanten for å få utsikt mot både Vassenden og Skei.

Veret var skiftande frå opplett og til relativt mykje regn. Men når temperaturen er grei, så gjer det ikkje noko om det kjem ei regnskur.