Halsa: Storfjellet, Tindan og Hennafjellet PF100 komplett (20.06.2015)

Dagens 3. tur, og siste tur i Halsa kommune. Banka på hos ein triveleg bonde i bygda og spurde om veien innover mot Hennasetra. Den var det berre å kjøyre, bomvei kr 40. Det var blitt laga til parering for STIKK UT-samlarar ved sætra. Denne parkeringsplassen var ikkje stor, i tillegg moldete og blaut. Fekk no lurt til den store bilen utan å kjøyre meg fast. Merka sti til Tindan 2,6 km og Hennafjellet 1,5 km, veldig lett å finne fram. 1,5 km er nok veldig kort, GPS viste 2,1 km og då var eg ikkje bort på punktet der STIKK UT-kassa var. Merkeleg at dette ikkje er på toppen, men på ein hump litt lenger nord. Ein bestefar med 2 gutar eg møtte var overraska over at eg ikkje samla STIKK UT. Vel det er så mykje der som ikkje er veldig lokkande. Ein stein, ei rotvelte eller ei fure ser ein mange plassar om ikkje det står STIKK UT der.

Frå Hennafjellet gjekk eg mot Tindan. Svak blåmerka sti oppover til toppen. Her var det bok. Gjekk ned i skaret mot Storfjellet og lett opp 200 høgdemeter til siste topp i Halsa. Kosta på meg ein liten matpause her. Tilbake til skaret og rett vest til Hennadalen. Fulgte ein svak sti ut over søkkblaute myrar. Passerte eit lite STIKK UT-skilt. Trur det var til ein stein. Kjøyrde nedover mot bygda igjen og parkerte på ein lomme med skilting Klovstien. Mekka middag med tilhøyrande leskedrikk. Feiring av ny komplett kommune.