Ganske bra vær idag også, og det viktigaste - hard skare. Vi køyrde fem stykke til Vinsvål og parkerte. Gjekk til Røynbrekk. Opp sjølve Røynbrekka bar vi skia, og så bar det innover til Kinsarviktjønni, Vorvatn og så opp dei lange fine draga sudover mot Storegrønut. Møtte først ein mann og så to damer. Dei to var dei same eg møtte i går, og mannen var ein vi møtte i fjor og rasta saman med. Vi er svært få som har Vestfjøllet som turområde, og dei sjeldne gongene ein møter folk, er det gjerne dei same. Det bles litt på toppen, men vi rasta likevel i lyngen på toppen. Så skikrets vi. Dei fire andre gjekk tilbake same vegen, medan eg gjekk sudover og opp på nabotoppen der eg aldri har vore før. Ikkje peakbookelement. Så ned Bjålandsdalen og tilbake og rundt fjellet. Følgde spora til dei andre tilbake, men ingen bil venta på meg, så eg gjekk i slush og med bakglatte ski heilt heim til hytta. 23,5 km.
Benutzerkommentare