Lønstølhaugen (09.11.2011)

Fin fottur til Lønstølhaugen i fint haustver. Med denne turen er Lillehammer > 50 m pf og >100 m pf komplett! Gjekk langs ein delvis gjengrodd skogsveg i starten, før eg svingte av og gjekk gjennom skogen mot Lønstølhaugen. Det var ikkje lett å finne sti her, men nær toppen fann eg ein sti som indikerte at det hadde gått folk her før.

Turen opp baud ikkje på så mykje utsikt. Derimot gjekk eg gjennom ein flott granskog med eit velutvikla preg av urskog, og ulik dagens «maskinelle» granskogar. Her er det befriande lenge sidan det har vore hogst!

Det måtte leitast litt for å finne toppen, og i følgje kartet kan det sjå ut til at eg bomma ørlite, i høve til der det står 825,5 på Økonomisk kartverk. Derimot, i følgje same kart var eg på mellom 825 og 830 m.o.h., så då bør det vere greit!

Det var ca. 3,5 km til toppen. Tilbaketuren var på drøye 5 km, der eg gjekk ein annan veg tilbake, i større grad langs skogsbilveg og traktorveg.

Her er litt foto:

‹

›

© Marius Meland Velutvikla granskog på veg mot Lønstølhaugen.

© Marius Meland Velutvikla granskog på veg mot Lønstølhaugen.

© Marius Meland Her fann eg ut det øvste punktet på Lønstølhaugen måtte vere.

© Marius Meland Min GPS antyda toppunktet til å vere her. Men det er minst 1-2 meter lågare enn for fotoet til venstre.

© Marius Meland Fin stemning ved Gammeltjernet.