Archive - Date
Archive - Activity
- Bike trip (1)
-
Other winter trip (102)
- Snowshoe trip (102)
-
Ski trip (63)
- Backcountry skiing (38)
- Cross-country skiing (25)
- Trip by foot (1855)
Collected lists
-
Askvoll ≥ 100m pf.
(36/38)
94% -
Sunnfjord ≥ 100m pf.
(260/280)
92%
-
Sunnfjord ≥100m pf.
(260/280)
92%
-
Opptur Indre Sunnfjord
(90/97)
92%
-
Dagsturhyttene i Vestland
(51/61)
83%
Sjønakletten
- Date:
- 17.11.2024
- Characteristic:
- Hillwalk
- Duration:
- 1:30h
- Distance:
- 3.3km
Nok ein regnværsdag i dag. Vi begynner snart å bli litt værsjuke av alt det regnværet som har komme denne hausten. Søsteren inviterte på tur og eg foreslo Sjønakletten ettersom det er litt mykje snø i høgda. Det var ein del sludd på vegen, men då vi parkerte hadde det nesten letta. Då vi kom gjennom skogen hadde det letta heilt og eg kjenner at humøret stig berre det sluttar å regne.
Ein flott tur når været ikkje er det beste. Det er trass alt ein ganske tørr sti, sjølv om det har regna ein del i det siste. Absolutt ein prima tur på ein slik dag.
Hafstadfjellet
- Date:
- 16.11.2024
- Characteristic:
- Hillwalk
- Duration:
- 2:28h
- Distance:
- 10.4km
Etter ei natt med heftig regn, såg det an til at det gjekk å ta seg ein tur. Litt snø på vegen, men ikkje meir enn at det gjekk fint å gå.
Ein del vind og hagl det siste stykket gjorde turen litt meir utfordrande. Litt skiftande vær gjorde at då eg kom på toppen var det ikkje akkurat så veldig flott utsikt, faktisk ingen utsikt i det heile.
Flaksen var at då eg kom trygt nedatt i bilen starta lyn og torden
Halbrendsstølen
- Date:
- 14.11.2024
- Characteristic:
- Hike
- Duration:
- 1:28h
- Distance:
- 6.3km
Søsteren inviterte på tur i nabolaget. Ho hadde lova å gå tur med nabohunden ettersom eigaren ikkje kunne. Det viste seg litt enklare sagt enn gjort. Veldig fin hund, ikkje så mykje støy og uro med den og heilt fin å gå hund med. Eit lite problem var at han hadde ein smule separasjonsangst, så når vi kom langt nok unna heimen, var han klar til å snu. Søsteren klarte likevel å overtale den til å bli med vidare.
Vi kom oss opp til Halbrendsstølen og fekk ein liten pause før vi gjekk tilbake. Då var det som om hunden hadde fått ein rakett. Han pilte av gårde, så det var nesten umogleg å halde følgje.
Ein retterleg underhaldande tur.
tur på Hamar
- Date:
- 08.11.2024
- Characteristic:
- Hike
- Duration:
- 2:47h
- Distance:
- 15.3km
Landsmøte i Nei til EU på Hamar. Reiste litt vel tidleg av gårde, så då blei det moglegheit for å ein tur på Hamar.
Ikkje akkurat så mykje utsikt denne dagen. Vi reiste frå Førde i klårvær og kom til austlandet med tåke. Fint terreng i skogen ved Hamar.
Sygnestølen
- Date:
- 03.11.2024
- Characteristic:
- Hike
- Duration:
- 2:45h
- Distance:
- 10.9km
Ein skikkelig blaut tur. Parkerte nede ved hovudvegen og gjekk opp til Øvrebø. Det var skilta slik at ein ikkje skulle følgje vegen heilt opp, men følge ein sti. Denne stien gjekk ut i på ein bø. Så eg sikta meg inn på der stien til stølen skulle gå.
Blaut sti heile vegen til Sygnestølen. Gjekk nedre ruta tilbake og fulgte hovudvegen tilbake til bilen. Kan vel ikkje påstå at det er ein "høydare" av ein tur med tanke på at det stort sett berre myr.
Botnavatnet og Gjesdalsvatnet
- Date:
- 27.10.2024
- Characteristic:
- Hillwalk
- Duration:
- 2:23h
- Distance:
- 7.4km
Tenkte eg skulle teste ut ruta som er merka av på kartet frå Sandalen opp til Gjesdalsvatnet.
Men først gjekk eg opp til Botnavatnet. Denne stien er godt merka og ikkje noko problem å følgje. Det gjekk sti langs vatnet opp mot Gjesdalsvatnet. Men etter hytta ved vatnet, var det berre nokre få dyretråkk å finne. Det er ikkje det: eg klarer alltids å finne fram, men det hadde vore mykje lettare å følge ein sti. Tenkte også at eg skulle følge stien nedatt på hi sida av dalen, men eg fann etter kvart ut at det var ikkje noko poeng. Det var rett og slett ikkje noko sti der. Og etter kvart møtte eg nokre elva eg ikkje tok sjansen på å krysse. Så då var det å gå den sure vegen oppatt til Botnavatnet og heller følge den trygge stien på austsida av elva.
