Tur frå Krossbu opp Leirbrean ilag med Harald. Sola steikte frå ein skyfri himmel på heile turen. Sokse var fyrste toppen på lista, med stegjern var det enkelt å gå opp renna. Etter Sauen og Kniven var det tid for middag. Etter ein fin aketur rett over breen, var det Skeie som skulle bestigast. Med stegjern og isøks var det ein grei tur opp og nedatt. Det var fine akeforhold, så nedturen gjekk snøgt. Dette var ein sers fin tur som eg vil gje toppkarakter og anbefale andre å gå. Alt i alt ein svært fin og lett tur.
Kommentarer