Minneverdig kveld på Sotra (10.05.2016)
| Turtype | Fottur |
|---|---|
| Turlengde | 3t 30min |
| Distanse | 10,0km |
| Høydemeter | 619m |
| Kart |
|
| Bestigninger | Førdesveten (284moh) | 10.05.2016 |
|---|---|---|
| Liatårnet (341moh) | 10.05.2016 |
I Bergen på jobb, men ein heil blank ettermiddag og kveld ledig. Glad for at eg sende Knut ei melding på peakbook, for vips hadde eg middagsinvitasjon, sjåfør og skyss og turfølge på plass. Og vêret! Blikkstille og over 20 grader. Byrja med Førdesveten frå aust. Køyrde til Førdespollen og følgde skilt til høgre mot Førde. Derifrå var det godt merkt stig, og heller og steintrinn lagt ut slik at vi gjekk tørrskodde heilt opp. Møtte ein annan turgåar. Super utsikt og vakker kveldssol. Snøfjell i aust og havet som spegl mot vest. Var også bortom flyvraket, før vi gjekk ned i vårkvelden. 4,75 km, 1 t og 44 min, 285 hm.
Køyrde så nordover til parkeringa ved Fjell festning. Gjekk asfaltveg i eit kvarter før bratt stig mot toppen. Her var det mykje folk, og fleire av dei dreiv tydelegvis med det karstykket å springe opp og ned på tid. Ein vi møtte hadde rekord på 45 minutt t/r. Vi kom opp i varm kveldssol før den sokk i havet. Greitt nedatt. Då vi var ved bilen kl 2200, var sola gått ned, men kvelden framleis mild og nydeleg. Knut og Astrid var lokalkjend turfølge. Takk til dei! Denne andre turen var på 5,24 km, 1 t 46 min og 328 hm.
Kommentarer
Takk for trivelige turer ...
Skrevet av knutsverre 14.05.2016 10:42På Sotra, Kristin! Det var veldig hyggelig å treffe deg igjen og å gå tur med deg! Virkelig en fantastisk fin vårkveld på Sotra!
Sv: Takk for trivelige turer .
Skrevet av bakken59 14.05.2016 20:41Kjem til å hugse denne vakre kvelden lenge!