Damtjønnuten

Dato:

26.07.2013

Varmaste sommardagen?

Dato:

21.07.2013

Vi starta frå hytta og køyrde sudover ned langs Nisser og til Treungen og vidare mot Åmli. Tok av mot Gjøvdal og køyrde til det vesle skulehuset/bedehuset? etter Såheim. Biltermometeret viste 30 grader då vi starta sykkelturen. Sykla til der stigen tok av mot Grunnetjønnsbu. Følgde raudmerkt stig opp til stor myr, tok der opp til venstre og trefte eit bratt skard med tett granskog. greitt å gå til venstre for bekken. Då vi kom opp og kom over myrene slik at vi såg vatnet framfor oss, blei vi overraska for vi hadde lese kartet feil, og trudde vi hadde gått eit skard lengre nordaust. Men det var jo ikkje vanskeleg å ta seg inn att, så vi gjekk oppover så lenge det gjekk heilt til vi kom til varden på toppen. Nydeleg topp, godt med matpause og drikke. Bading i tjønna rett under >>>

54 år og første gong på nasjonstoppen - på tide!

Dato:

11.07.2013

Fullkomen dag. Vindstille, ikkje ei sky på himmelen. Lang kø gjennom bommen ved Raubergstulen. Men vi rakk avmarsj klokka 1000 frå Juvvasshytta.. Mange taulag på ein så perfekt dag. Vi var fem som gjekk saman. Hyggjeleg rast på toppen som var som eit fuglefjell - tett av folk. Grei tur ned att. Eigenleg overraskande lite strevsam tur dette. Mykje venting pga organiseringa med taulaga. Kathrine, Dagfinn, Johannes og Tom var med. Vi heldt fram til Gjendesheim, og etter overnatting hadde vi ein utruleg fin tur frå Memurubu over Besseggen i dag. To draumedagar - med to klassiske norske turar som vi burde ha tatt for fleire tiår sidan.

Undrumsås etter blåmerkt stig

Dato:

22.06.2013

På veg frå Oslo til Bamble fekk eg lagt inn ein liten stopp i Vestfold. Parkerte ved Holt biologiske gard, leita etter stigen ved å gå inn enga rett fram til høgre og følgde kanten heilt rundt. Gjekk forbi ein stig, men nord i jordet fann eg ein blåmerkt stig som litt utydeleg tar av rett før ein kjem til den vesle dammen nedi dumpa. Stigen var heilt fin den, men det var vått i terrenget og mykje mygg inni dalsøkket der lauvsalen var tettast. Men herleg luft! På GPSen såg eg at eg var i ferd med å kome for langt sud i høve til toppen som var på venstre side, men hadde is i magen og ei stykke sør for toppen vende stigen mot venstre over bekken, forbi ei hytta og tok så bratt og fint opp på toppen frå sørsida. Super utsyn frå denne sørlege enden av toppen. Gjekk så nordover >>>

To småtoppar i høge hælar

Dato:

02.06.2013

Eigenleg gåforbod - men ikkje med høge hælar, så i høge skolettar fekk eg med meg desse to - sidan eg likevel var på besøk på Nøtterøy for første gong. Vakkert! Køyrde heilt til topps på Vetan. Frigitt av Militæret, men likevel låst. Ikkje så smidig som eg burde ha vore under gjerdet. Fint utsyn! Holtekjæråsen og fuglekassepunktet fann vi greitt, sjølv om vi gjekk opp for langt sud. Ein bør parkere ved busslomma ved Grimestad og gå tvers over vegen og opp til sti som går rett bak den vakre plenen i glenna mot nord. Vi stabla nokre steinar opp rundt triggpunktet for neste toppjeger. Marit, Anne og Nina var med.

Tredje gong på Hardangerjøkulen

Dato:

13.04.2013

Andre påskedag på aleinetur til Vikerfjell

Dato:

08.04.2013

Første gong i Vikerfjell. Flott skiterreng! Tok av ved Killingsundet og skilt med Vikerfjell. Betalte 50 kr i bompengar, men skulle ha betalt kr 60 - hadde ikkje meir. Køyrde vegen til ende og starta å gå frå Lykkrosmyra. Flotte nykøyrde spor. Eg detvalde fjellskia etter å ha ha tatt med meg to par, smurde med universalklister. Spikerfeste opp til Store stein, 5,6 km opp dit og så 2 km utanom løyper opp til toppen. Fekk følgje med ein kar frå Hønefoss, hans første tur også. Vi åt niste saman på toppen. Flott dag med ustyn i alle retningar. Fjellskia var veldig kjekke å ha nedatt til Store stein, for det var is og fokksnø. det siste stykket ned mot Store stien var det nydeleg med 5-10 cm nysnø. Karen frå Hønefoss sleit på langrennsskia. Så gjekk eg mot nord og aust >>>

Kaldt og langt - men nydeleg tur

Dato:

10.03.2013

Starta frå rett etter Haglebu, Flatvollen? 8-10 kuldegrader, men lite trekk i lufta. Heilt blå himmel, men dessverre ganske trått føre, særleg sidan det kom litt nysnø i går, og vi var dei første som gjekk opp sporet - i alle fall heilt til vi kom inst ved Reinsvatnet og tok opp til venstre mot Hallingnatten. Kaldt i lufta og litt vind der oppe, men fantastisk terreng, storslått utsyn og supert toppunkt. Veldig flott å kunne gå på lette langrennsski i køyrde spor. For kaldt til å setje seg ned å raste, så vi åt litt ståande på veg heim. 28 km, 1450 høgdemeter, og ganske mange timar brukt - i alle fall 5-6. Vi så mykje spor etter reinsdyr og på lang avstand såg vi vel også dyra på ein rygg. Anne, Eirik og Tom var med.

Super skirunde

Dato:

09.03.2013

Køyrde frå Halden og Oslo og møttest på Tempelseter. 50 kr i bompengar. Hadde planlagt dette lenge, og var lei oss for litt snø og dårleg sikt. Minus 8-10. Gjekk til venstre i løypa frå Paerkeringsplassen og til venstre att i løypekryss der det stod skilt med Fiskeløysinga. Kom opp på Gråfjell frå nord. Dessverre ikkje noko spektakulært utsyn, men nok til å skjønne at dette er fabelaktig flott terreng! Sol gjennom skyer. Gjekk så sørover til Høgevard der vi rasta på hytta, før vi gjekk litt tilbake langs vatnet og opp på toppen frå nord. Utruleg utforkjøring rett ned til Tempelseter. 24 km, 1250 høgdemeter. Kaldt i kinna, men ganske stille og ikkje mykje snø. Overnatting på Borgarstua i Eggedal. Kan verkeleg anbefalast! Middag og himmelseng. I dag er vêret perfekt, >>>

Flott skitur til Marifjell

Dato:

03.02.2013