Fræna: Røssholfjellet (18.06.2016)

Kom frå Sekken der eg hadde plukka dei 2 pf 100 som er på øya. For å fylle dagen hadde eg nokre småtoppar på blokka. Denne har pf rundt 99. Greitt å ta med når ein først er i området. Parkerte på vestsida av veien, her er det stor parkering og infotavle. Prata med eit eldre par som kom ruslande om føret oppi lia. Eg trudde eg måtte gå inn til Såtskaret, men stien går meir rett på Røssholfjellet. Det er merka med store stikker og ikkje muleg å ta feil på veldig tydeleg sti. Kort besøk på toppen før eg sprang nedigjen. Unngikk nedbøren og kom meg vidare til Aukra og Jærmannsburet i tørr forfatning.