På veg til Nordseter stoppa Uncas og eg for å ta kommunetoppen vest for Raufoss. Vi køyrde mot Skjellerud, tok av grusvegen til venstre mot Granum og parkerte ved den opne bommen. Vakker vårkveld, med fossande bekkar og fuglesang og ganske så varmt. Ved neste vegkryss var vegen snødekt, men det var trakka stig og det gjekk greitt med joggesko i Goretex. Opp i tårnet med utsyn heilt rundt til kvite fjell. Rett og slett underskjønt utsyn i klar vårkveld. Ein ser at det har snødd mykje i det siste! Så same vegen tilbake.3,16 km, 56. minutt inkludert tårnpausen. Uncas var med.
Kommentarer