Nesset: Kaldberget (23.06.2016)

Det vart berre 1 tur denne dagen, og 1 skikkeleg topp. Parkerte på ei lita lomme der traktorveien til Øvregardsætra startar. Første hinder var igjennom eit inngjerda område med mykje storfe. Ikkje alle ville likt dette, men med nokre år i primærnæringane bak meg rusla eg roleg igjennom. På kartet mitt var ikkje veien teikna inn lenger enn til masta ca. Vart litt overraska når eg kunne følgje denne heilt til sætra. Sjølvsagt kjedeleg å gå vei, men det går no radig unna. God merking vidare, lett å finne fram. Planen var ei runde rundt heile dalen og kome ned til Gauprørsætra. Grunnen til dette var primært Rundhaugen som interpolert etter 20 m koter har ein primærfaktor på 99 m. Når ein først går ein tur bør ein ta med slike, med bedre kart kan det fort være at denne er 100. Prøvde måle dette men vanskeleg å finne ut av. Forskjell skar/topp ein plass mellom 97-102 meter eller noko slikt. Endrar ikkje denne på dette grunnlaget, ventar og ser an kva som dukkar opp av 5m-koter eller kanskje til og med 1m-koter. Gjekk heilt nord mot Gauprørnebba før eg tok ned mot sætra, her var det eit tydeleg dyretrakk langt nedover lia. Så var det berre den kjedelege veien igjen ned til bilen. Etter 8 dagar på tur, dei 7 siste åleine var kropp og haud klar for heimreise. Avslutta med burger på Esso i Åndalsnes, og kjøyrde heim over Trollstigen.