Denne fjelltoppen er eit landemerke i Calpe og vi tenkte den kunne vere eit fint turmål på ein søndagsføremiddag. Du startar frå parkeringsplassen ved foten av fjellet. Når ein skal starte på sjølve fjellet, er der ein tunell som leier ein tilbaksida. Denne var delvis stengd grunna oppgraderingsarbeid, men det gjekk fint å kome seg forbi. Vi hadde litt vanskar med å finne stien nokre plassar, men det gjekk som regel greitt. Berget er ganske glatt, så det er viktig å ha gode sko. Vatn og solhatt er også eit must. Det bur masse måsar på heile fjellet, men dei gjorde ingen harme. Det er ikkje berre måsar på fjellet, på toppen var det og to kattar. Vi synest så synd på dei, at vi delte niste og vatn med dei.
På toppen har ein fin utsikt over Calpe.
Kommentarer