Storelgvasshøe (23.07.2008)
Skrevet av mariusmeland (Marius Meland)
| Startsted | Elgvasslie (780moh) |
|---|---|
| Sluttsted | Storelgvasshøe (1608moh) |
| Turtype | Fjelltur |
| Distanse | 16,0km |
| Høydemeter | 920m |
| Kart |
|
| Bestigninger | Storelgvasshøe - "nordtoppen" (1506moh) | 23.07.2008 |
|---|---|---|
| Storelgvasshøe (1608moh) | 23.07.2008 |
I dag tenkte eg at dei "store elgane" skulle bestigast. Turen starta frå Elgvasslie, som seg hør og bør. Turen gjekk på god sti vestover sør for Storbekken cirka 3 km. Etter det hadde eg strak retning mot "største elgen". Fin tur opp.
Etter å ha vore på Storelgvasshøe, var det å gå bortover mot ein annan og lågare topp, som ikkje har noko namn på kartet. I denne samanheng er han inntil vidare berre blitt kalla "nordtoppen" av Storelgvasshøe. Her oppe var eg heldig og fekk møte villrein.
Deretter var det å gå ned i strak retning mot Veslsætre, og retur til Elgvasslie.
Her er ein liten fotoseanse frå turen:
 Er på veg opp mot Storelgvasshøe. Ser i retning toppen. Høgronden lurer i bakgrunnen. |
 Utsikt mot Storelgvasshøe (t.v.) og "nordtoppen" |
 Då er eg på toppen av Storelgvasshøe! Fin utsikt mot Høgronden og Midtronden i bakgrunnen. |
 Fin utsikt mot sør, frå toppen av Storelgvasshøe. Ser mot Høgronden (t.v.), Midtronden og Digerronden. |
 Ja, så var det å gå mot neste topp, då... |
 Då er eg på "Nordtoppen". Det står ein rein langt bak i fotoet, som kan observerast nøyare ved å zoome litt. |
 Då var det godt å kome seg ned til seters, etter ein lang toppturdag. Er på Veslsætre, med Elgvatnet i bakgrunnen. |
 Er ved Veslsætre og Elgvatnet. Utsikt mot Liakollen. |
Kommentarer